اضراب عام فى كل مصر
إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر يوم 6 إبريل
خليك قاعد في البيت
أو شاركنا فى الميادين العامة
أوعي تنـــــــــزل
لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات( 6أبريــــــــــــل ... أضراب عام في مصر )
هناك ١٤ تعليقًا:
السلام عليكم
ياترى الاضراب هيحقق شىء.؟
طيب لو حقق ماهوحجم الفساد كبر بجد كأن البلد مش بلدنا انا عمرى ما بحب اقرا فى السياسة ولا بحب اكتب عنها بس الوضع لا يطاق ولسه بسأل الاضراب هيحقق شىء ؟؟؟؟؟؟؟؟؟؟؟؟
نحن محتاجين اكتر من الاضراب لان الفساد جاى منا فينا مش من برا
بس عارف الغريب ايه انك ممكن تلاقى اللى واقفين فى الميادين وبيعلنو الاضراب هما جزء من اللى سببو الخراب للبلد سواء بسلبيتهم او بنهبهم ليها
اتمنى ان شىء يتغير ولو انى مش هشارك فى مظاهرات بس مش هنزل من بيتنا اكيد
تحياتى ليك اخى لخوفك على البلد وصلحتها
وصلني ايميل بنفس المحتوى من احد المجموعات البريدية من اكثر من خمس ايام
بس اعتقد ان يوم واحد مش كفاية احنا ايزين اسبوع او شهر
علشان يكون مؤثر و شوية اعتصامات و اضرابات من دول نجرس بيها الدولة قدام العالم حيتكسفوا على دمهم و يرموا للشعب عضمة يتسلى بيها على ما يخلصوا هم اكل البلد
يعني باين مفيش فايدة
تحياتي
يارب يجيب نتيجة
ممكن اهنيك على المدونة الجميلة دى وممكن تقبلنى كصديق ايجابى ومش سلبى
طب ممكن تنسر التفاصيل الاعتصام فين السلعة كام كدة
سمراء
وعليكم بالسلام
نامل ان شاء الله ان الاضراب ده يحقق شىء على اقل القليل يوعى الناس انه هناك طرق للتعبير بها سخطهم من النظام والمطالبه بحقهم
الناس بتشتكى من كل حاجه وكبته فى نفسهم لانهم ما تعلموش ثقافة الاعتصامات او الاضرابات
فاول شىء لازم اوعى الناس دى
وربنا اعلم بنوايا كل انسان
وعلى العموم احنا بنعمل اللى يرضى ضمرنا
شكرا سمراء وتحياتى لكى
sampateek
مين قال ما فيش فايده؟؟
يا ستى ارضى ضميرك وريحى بالك وشاركى وتبقى عملتى اللى عليكى
ولما ربنا يسئلك او حد يسئلك انتى عملتى ايه ابقى قوليله انا شاركت سواء باعتصام او بتظاهر او اضراب وده اللى قدرت عليه وما تبقيش سلبية
يا سمبتيك احنا ناس مثقفه مش هايزين نعمل زى الناس اللى ماتعرفش حاجه او ما عندهاش وعى ويبقى ايه لازمتنا فى الدنيا لما نبقى نقول زيهم
وان شاء الله يستمر الاضراب والاعتصام ده لحد لما ينزل الكلب مبارك ونظامه الفاسد
monaliza
ان شاء الله يا موناليزا يجيب نتيجه
واقل حاجه هتكون كفايه اننا اتحركنا من الجمود والسلبية اللى عايشين فيها
sasatifa
اهلا بيك استاذى وشرفنى مرورك لمدونتى البسيطه واتمنى اننا نكون اصدقاء
وايجابيين مش سلبيين هههههههه
بالنسبه للاعتصام هيكون باذن الله يوم 6 ابريل يعنى يوم الاحد
وهيكون فى تظاهره فى ميدان عابدين واخرى فى وسط البلد واخرى بجوار حديقه الحيوان بالجيزه ولخرى بميدان التحرير
بجانب نقابة المحامين ونقابة الصحفيين
وهتبدا ان شاء الله من اول اليوم لاخره
ونامل انه يكون هناك تحرك من باقى المحافظات وان وجدت هناك تظاهرات هتكون فى الميادين العامه لتلك المحافظات
يارب الحكومه يكون عندهادم وتحس
اهي كلها محاولات يارب تجيب اي حاجه
ياريت بجد الاضراب يحقق فايده
وطول محنا عايشين لازم يطلعلنا صوت
حتى لو الفساد حجمه كبر يمكن فى يوم صوتنايعمل حاجه
انا عندى احساس رغم عدم مشاركة الاخوان انها هتنجح ان شاء الله
wael
مين اللى يحس؟؟
انا شاء الله احنا اللى هنحسسهم
سواء برضاهم او غصب عنهم
وان شاء الله الاضراب هيكون ليه نتائج كتيرة
rona
برافو عليكى
وان شاء الله الاضراب ده هيحقق نتائج كتيرة وماثرة ان شاء الله
بس الهمه معانا وما نكونش سلبيين
مدحت محمد
ان شاء الله هينجح بس كنا بنتمنى ان الاخوان يشاركوا اكيد هتكون اقوى فالاخوان المسلمين يعتبروا القوة المعارضة الاولى فى مصر
وعلى فكرة فى ناس اصحابى من الاخوان هيشركوا
إرسال تعليق