انا حى >>انا ميت>>انا فين؟؟؟؟

السلام عليكم

من فترة ليست بقليلة وانا اتصفح احد المنتديات وقفت امام موضوع فى غاية الاهمية

بجد انا شفت الموضوع دماغى اتكهربت!!!!

هو انا ليه صحيح بقيت كده

هى حياتى رخيصة للدرجة دى!!!!!

طيب انا كان ممكن احاول اغير مفهومى للحياة بشكل مختلف

او على الاقل اتمرد على الوضع الحالى واشجع نفسى بالتفاؤل او على اقل الاقل احاول اغير من وضعى ووضع ناس كتير بتعانى من نفس مشكلتى؟؟؟

الموضوع اللى شقلب حياتى كان بيتكلم عن تمنى الموت والرغية فية!!!

بعد ماقراءت الموضوع سئلت نفسى اسئلة كتير

هو انا ليه كانت كل حياتى هى تمنى الموت

هو انا ليه كنت فاكر ان حل مشكلتى او مشاكل ناس كتير متوقف على الموت

هو كان ممكن فعلا الموت هو الحل من كل المشكلات اللى انا فيها

هو انا ليه كنت فاكر ان حل مشكلة معينة متوقف على موت شخص بعينة مرتبط بهذا الموضوع

هو انا ليه نظرتى للحياة بقت نظرة تشاومية

هو انا ليه مخطرش على بالى ان الموت ده مصيبة

هو للدرجة دى انا مش خايف من الموت

هو بعدى عن ربنا هو اللى رسخ فيا الاعتقاد ده

طيب هو انا مستعد ليه ؟؟؟

انا عملت ايه فى دنيتى عشان اكلم ربنا عنة لما يسئلنى

انا عملت ايه عشان الناس تفتكرنى بية

هو لوفعلا الريس مات حالنا هيختلف والوضع هيبقى احسن والبلد حلها هيتغير للافضل

اكيد هيجى ابنه او اى واحد سائر على نهجه طبعا وهيبقى نفس الوضع

طيب اموت بقى والموت يبقى راحة ليا ولناس تانيه !!!!!!!!

طيب انا ليه ماحولتش اتمرد على النظام ولو موت يبقى حققت حلمى ورضيت ربى ونفسى وكمان موت مستريح

هو انا ليه كل اللى اعرفهم شيفين الدنيا سوده

وهل فعلا الدنيا سودة

طيب مافى ناس عشتها زى الفل والا هما منظر وخلاص!!!!!!

طيب فين المشكلة

الجو العام محبط ليه وبيخلينى اتمنى الموت على اساس انه راحه ليا ولغيرى والحياه معقده وكلها هم ومشاكل ونكد

هو انا لية بقت نفسى هينة عليا والموت بقى شى سهل التفكير فيه وكمان مقتنع على انه حل للى انا وغيرى فيه

هو انا ليه من ساعه ماوعيت على الدنيا وبدئت افهم شايف ان الدنيا قتل ودمار وحروب وناس بتموت من الجوع وناس بتموت غرقانه وناس بتسرق وناس بتمص فى دم ناس

طيب انا جى اعمل ايه فى الخراب ده كله

اروح اموت بقى عشان مايحصليش زى الناس دى وعشان كمان انا مبحبش ومش عايز اكون ظالم !!!

ياترى الموت فعلا هيكون راحه ليا

والا انا بهرب للموت عشان مش عارف اواجه السلبية اللى انا عايش فيها

والا الموت شماعه بعلق فيها فشلى فى المواجهة وتحدى الظلم

والا الفاسدين اجبرونى على تمنى الموت والسعى الية لان اللى زيى الموت افضلة وعلى راى الاستاذ عادل ادهم لما اخذ من نور الشريف كليته وقاله اللى زيك اتخلق عشان احنا نعيش

انا فى دوامه بجد

مش عارف اعمل ايه

اوقات بفكر فى الموت

واوقات بفكر فى التغير وجمال الحياه واكيد بكره هيبقى احسن

انا عقلى طار وفكرى اتشتت وحياتى اتقلبت من الموضوع ده

حد عنده حل ليا؟؟؟

بحلم بـــ2008

السلام عليكم

باقى من الزمن عده ساعات وينتهى عام 2007 ويذهب بفرحه واحزانه همومه واحداثة قتلاه وجرحاه وعذابة وشهوره الطويلة والقصيره وايامه البيض والسود وساعاته اللى بتجرى واللى وقفة ولياليه الحلوة والمرة وذكرة الجميلة والمحزنه كله كله راحالمهم زى قبل كده فى نهاية 2006 قولنا تيجى نحلم بــ

بـ2007 وحلمنا احلام وردية ودنيا فتحلنا ذراعه وعيشه ميه فله وعشرة ,وحسنى هيموت والبلد حلها هيتصلح...

.وحلمنا بحاجات كتيره تانية وكله ده نزل فى المجارى!!!!!!!!!!!!

مش مهم

قولت احلم اانى بسنة 2008 اللى ربنا اعلم بيها

اول حاجه بتمناها ان حسنى يرتاح بقى ويريحنا وبالمرة ياخذ معاه رجالته

نفسى البلد حلها يتصلح

نفسى يلغوا نشاط الحزب الواطى ويسرحوا رجالته اللى نهبوا البلد

نفسى يسمحوا للاخوان المسلمين يبقوا حزب سياسى وأ/ مهدى عاكف يترشح للرئاسة

وبتمنى ان ايمن نور يخرج ويرشح نفسه هو كمان وكمان الاستاذ رفعت السعيد وكل انسان شريف بيخاف على بلده وعايزه يطهرها من الفساد

نفسى الازهر يتحرر من طنطاوى وشيوخه اصحاب الفتاوى الرنانة ويمسكه واحد زى الشيخ يوسف القرضاوى او اى شيخ شريف من جبهة علماء الازهر او حتى يختاروا شيخ بالانتخاب كما كان يعمل به قبل ايام عبد الناصر

بتمنى يحبسوا اى واحد بيحتكر اى شى فى البلد ويمنع منها الغلابة (ويعدموا احمد عز وساويرس وابو العنيين ورشيد ومنصور وامثالهم)بتمنى الاقى شغلانه شريفه من غير وسايط !!!!!!!!!!!

ونفسى رجالة حبيب العدلى يحترمى المواطنين ويبطلوا الضرب على القفى والتعذيب فى السجون ويبقى فعلا الشرطة فى خدمه الشعب

نفسى المجارى تتصلح والمياه تبقى نظيفه والكهرباء ماتقطعش والنت يبقى ببلاش!!!!!!!!!!

نفسى يفهم المسلمين ان الدين مش صلاة وصوم وحج وعبادة بس ويفهموا ان الدين معاملة

نفسى المسلمين يوضحوا للعالم ان الاسلام مش القاعده وبن لادن ولا دين الوهابيين ولا كمان دين عمرو خالد!!!!!

و ان الاسلام دين عزا بيدافع عن المظلمين وبيكفل حرية الراى والتعبير وعقيدة فكر ومحبة دين الواحد ما بيقتلش اخوة عشان مراث ولا يعاق والديةدين اقتصاد قوى قادر على تحديات العالم المنفتح دين بيحافظ على كرامة المراءه ويصون عرضها مش دين نقاش فى ارضاع الكبير والشفايف الحمراء والروج وصبغ الشعر

دين بيخرج فيه الغنى زكاة ماله لاخوانه المحتاجين فى الشيشان والسودان وتشاد والصومال وفلسطين والعراق مش يبنى جامع جنب جامع !!!!!!!!!

نفسى ان كل الشعوب العربية تثور على حكامها الظالمين سواء الملكيين او البعثيين او وطنيين اللى بيدعوا الوطنية !!!!!

نفسى كل العرب يتوحدوا على راى واحد فى صالح وطنهم العربى الواحد

نفسى يتحدوا لاجل فلسطين والعراق ولبنان والصومال

نفسى نبعد عن العنصرية والطائفية وده رافضى شيعى وده وهابى سنى وده ابيض من لبنان وده اسود من الصومال!!!!!!!!!!

اتمنى ان الكورة فى مصر ماتبقاش اهلى وزمالك واسماعيلى ( بس بردك فى الاخر الاهلى هو اللى يكسب)!!!!!!!!!

نفسى ان اعلامنا يكون هادف وموجه والوليد بن طلال يقفل روتانا ويسرح المغنيين بتعها

بتمنى حرمية التليفزيون يبطلعو يسندوا المسلسلات الاجتماعية او الدينية او غيرها لفيفى عبدة والراقصات وسعد الصغير وباقى الشله

نفسى امشى فى الشارع اشوف البنات ربنا هداهم وبطلوا يلبسوا المحذق و الملزق عشان الشباب خلاص ربنا اعلم بيهم (وانا اولهم)

ياترى ممكن يحصل كل ده فى السنة الجديده!!!!!!!!!

تحياتى elshafey

السعودية كانها الله فى الارض لا تنتقد

السلام عليكم

بات المسلمون واستيقظوا على شى غريب ربما حصل قبل ذلك من اعوام!!!!!

فبعد اعلان السعودية بأن عيد الاضحي المبارك هو يوم الاربعاء المقبل، وليس الخميس، كما اعلنته قبل ايام،

الامر الذى اد الى حالة من الفوضى العارمه وجدل حول مواعيد بداية الاشهر القمرية، وحدوث حالة ارتباك، خاصة لدي الجاليات المسلمة في الغرب، والتي كانت اعدت نفسها للاحتفال يوم الخميس، اضافة الي اضطرار العديد من الدول العربية والاسلامية الي تغيير موعد الاجازات، والبلبلة التي حصلت لدي شركات الحج بسبب اضطرارها لتعديل مواعيد رحلات عملائها.

نتحدث صراحة على اى اساس ومبدا يتم تغيير يوم العيد !!!!!

إلى هذا الحد وصل الاستهتار والاستهزاء بشعائر المسلمين وتغير اوقاتهم وتعديلها على اهواء المملكه السعودية ومشايخها!!!!!

من المسئول عن افطار وصيام ملايين المسلمين فى العالم!!!!!!!

وللعلم أكد الاتحاد العربي لعلوم الفضاء والفلك في بيان، استحالة أن يكون يوم الاربعاء القادم أول أيام عيد الأضحي فلكيا ، كما أعلنته السعودية مساء الجمعة الماضي ، متراجعا بذلك عما أعلنته يوم الاربعاء الماضي من أن يوم الخميس المقبل هو أول أيام العيد.

اخى الحبيب لا تتعجب من ال سعود ومشايخهم فهذه ليست اول مرة

ولا تنسى ايضا فجبل عرفات فى ارضهم !!!!!

ومنى والمزدلفه تحت امرهم !!!!!!!

والكعبة ملكهم!!!!!!

وماء زمزم ضمن ابارهم!!!!!!

وانت لاتدخل ارض الله الحرام الا بعد استئذانهم وتوافر كافه الشروط لزيارة ارضهم!!!!!!

ولاتنسى ايضا فانت مراقب من قبل رجالهم لعلى وعسى ان تكون نيتك هو العمل فى بلادهم وليس تادية شعائر الله!!!!

والعجب كل العجب انه لايوجد اى شخص او مؤسسة او نظام دولى اسلامى او حتى شعبى يعترض على قرارات اصحاب الجلالة والفخامة

وشيوخهم فاين منظمة المؤتمر الاسلامى واين مشايخ الامة

واخيرا لا املك الا ان اقول

السعودية كانها الله فى الارض لا تنتقد

وغنوا يا اولاد وقولوا

بكرة العيد ونعيد

وندبحوك يا شيخ سيد

ونوديك السلخانة

ونسويك فى الأروانة

وكل سنة وانتم طيبين

بقلم elshafey

مصر مبارك وعيدكم جمال مبارك!!!!!!!!!

مصر مبارك
الجمله دى بقى الواحد يشفها فى كل مكان
فى الشارع فى التلفزيون وبيسمعها كمان فى الاذاعه وفوق الكبارى (وفى الكباريهات) وفى المؤسسات الحكوميه والوزارات وكمان فى المدارس جنب الايات القرانية والاحاديث النبوية واقوال الحكماء والفلاسفه (ده على اساس ان الجمله دى اتذكرت فى القراءن او حكمة لارسطوا)
وياسلام بقى والريس كده رايح حفلة تخرج دفعه من الجيش او الشرطه اوعى حتى تخرج دفعه جديد من حملة الماشات
وتشوف بقى قمة النفاق يرحوا كتبين باجسمهم مــــــــــــصـــــر مــــــــــــبـــــــــــــاركــــــــــــــــ

(يا اولاد .....)
والله الواحد بقى يحلم بالكلمه دى بقت عمله زى الكابوس

نتكلم بقى فى الجد
بجد الموضوع ده غريب !!!!!!!!
ازاى بلد بحالها كده تكون شخص واحد!!!!
بلد بحجم مصر وعظمة مصر تكون مرهونة بحياة فرد او صحتة
وبعدين مصر دى التكيه بتاعت مبارك وحرمه وولاده كتبها باسمه (ابن ....)
ماحدش فينا سمع او قراء فى يوم من الايام انه اقترن اسم مصر باسم اى حاكم او زعيم او حتى ايام الملكيه!!!!!!!!!!
يعنى مثلا الواحد ما درس فى كتاب التاريخ ان مصر هى الملك مينا عشان وحد القطرين وان مصر هى الملك خوفو وان مصر هى عمرو بن العاص عشان الفتح الاسلامى
او حتى ان مصر هى السادات عشان تحرير سيناء!!!!!!!!!!

(تيجى انت يا ... .... تقولى ان مصر هى مبارك)

طيب على اى اساس يقترن اسم مصر بمبارك من الاساس (على الاقل كل واحد من اللى انا ذكرته سالفا عمل حاجه غيرت تاريخ مصر كله)
(طيب انت عملت ايه يا ابن الفشارة عشان تحط اسمك جنب مصر )

اقولكم انا قدم ايه سيادة الريس لمصر
هناك معدلات كثيره واسباب كبيره لاجلها اقترن اسم مصر (بهذا الارعن على راى محمد سعيد الصحاف اللى ربنا يمسيه بالخير) منها
خد عندك يا عم

1-فى عهده تم الاعداد لتوريث الحكم فى مصر لاول مره ونحن فى الانتظار
2- فى عهد الدكتاتورسيادته انتشر القمع والاعتقال والتعذيب حتى الموت و
3-فى عهد سيادته احتلت مصر مكانه متقدمه فى زيادة انتشار الجرائم الجنسية ( يالهوى على قلة الادب والمسخرة)
4-فى عهد سيادتة زاد نسبة معدلات المصريين تحت خط الفقر الى اكثر من 52% من الشعب(لاحظ اختفاء المثل الشعبى اللى بيقول ما فيش حد بينام من غير عشاء دلوفتى بقى حاطط حجر على بطنه وبيقول احدا احد)
5- فى عهده انتشر السرطان والسكر والالتهاب الكبدى والفشل الكلوى والايداز اللى كنا ما نسمعش عنه

وكمان الاسهال !!!!!!!!!!
6-فى عهد سيادته سمعنا عن مصطلحات جديده فى قواميس الحياه فى عصر مبارك ابن الجزمة زى
البطالة.الاخلاق . الضمير. المياه النظيفه. الصرف الصحى . التصحر . الزحام . الغلاء . المرور . الفساد . الرشوه . السكن . الزواج .
رغــــــــــيــــــــــف الـــــــــــعــــــــــــــــيش
الخ....
7-فى عهده 26 سنه طواري فى خدمة الشعب

(انا كده خلاص اتخنقت من ابن ... ده مش اكمل تانى)

فياشعب جبان باى حق يقترن اسم مصر بمبارك
الهذا الحد وصلنا الى قمة النفاق


واللى هيعيش ياما هيسمع
وبكره لما يموت يقولوا


مصر جيمى مبارك

بقلم elshafey



اه
نسيت تانى
كل سنه وانت طيبين وعيدكم مبارك

مهاتير محمد

كنت ابحث عن معلومات عن شخصيه هذا الرجل الذى اعتبره من سلالة الصالحين المصلحين لهذه الامة الاسلامية انه الشخص الذى احببته لمجرد معرفتى بالاصلاحات النى قام بها فى بلده ونقل بلده من اكبر دول العالم فقرا الى اكبرهم نموا وازدهارا وذلك فى اقل من 22 عام!!!! (اه والله ) مش واحد بلديتنا فى الحكم من 26 سنه والبلد من تخلف الى تخلف ومن جهل الى جهل ومن فقر الى فقر ! افففففففف!!!!!!!!!!!! نرجع لموضوعنا هذا الرجل هو (مهاتير محمد )رئيس وزراء ماليزيا السابق قراءة هذا الموضوع على احد المواقع فنقلته الى مدونتى حتى يكون مرجع لى(او على الاقل ان يكون بادره امل لهذه الامة) ولعله ايضا يفيد احد من زوار مدونتى

واليكم الموضوع

تذكرت وبالكثير من الشجون رئيس الوزراء الماليزي "مهاتير محمد" وايام تنحيه عن الحكم بعد أن جعل بلده "ماليزيا" بعد 22 عاما من توليه للسلطة واحدة من أقوى البلاد المتقدمة إقتصاديا في آسيا بعد أن كانت دولة فقيرة متخلفة وتذكرت وبكثير من المرارة والاسىء دولة إفريقية من أفقر دول العالم إقتصاديا وهي بنين عرفت قبل سنوات في التسعينيات نظام التنافس الشعبي النزيه بين أكثر من مرشح على رئاسة الجمهورية البنينية أما في بلادنا العربية السعيدة لا حاجة لان تتذكر فالامس هو اليوم والواقع هو الواقع وان اختلفت الصور والاوجه والخطابات فاللحن واحد والموسيقار واحد والاغاني واحدة تمجد حكامها (المؤلهين) أصحاب الأعمار المديدة من ملوك المشيخات والجمهوريات الذين يورثون"أو ينوي بعضهم ذلك!!" أبناءهم السلطة في جمهورياتهم الملكية ويحتفلون سنويا بأعياد ميلادهم وجلوسهم الميمون بعد أن صارت بلادهم في عهودهم السعيدة بلاد ترفل في بلهنية النعيم أو هكذا يدعون !.. وليس أدل على ذلك ما وصل إليه حال بعض العملات الوطنية لبعض تلك البلدان من ترد مؤسف أمام الدولار الأمريكي.. أو ما تعانيه كثير من شعوبها من شظف العيش وإرتفاع مسعور في أسعار القوت الضروري فاستخفوا بشعوبهم فتراهم يلبسون الباطل ثوب الحق ليزعم بعضهم رغم أنف الواقع المر بأنه باني نهضة إقتصادية وديموقراطية حديثة غير مسبوقة لبلاده ويأبى إعلامهم إلا أن يشبه البعض منهم في أعياد ميلاده وجلوسه المزعومة قسرا عبر دعايات إعلامية رخيصة بصلاح الدين الأيوبي !! وما أشبههم في الواقع بماركوس الفلبين وعيدي أمين الأوغندي و موبوتو الكونجولي و شاوسيسكو الروماني بما اكتنزوه من مليارات إقتطعوها عنوة من ثروات شعوبهم التي يدخرون لها وحدها الفقر والمعاناةوعصا الإرهاب الأمني الغليظة!!(ما يقرب من 70بالمئة من المعتقلين السياسيين في العالم موجودون بالوطن العربي!!!). ورغم ذلك لا تجد إعلامهم المطبل لهم هذا يمل او يكل أبدا رغم كل المحن العربية الداخلية والخارجية من أن يحمل لنا البشارة في كل مناسبة بإمتداد حكم عائلاتهم الكريمة(عطية الآلهة لنا في الأرض) ممثلة في ولي العهد الجمهوري أو الملكي بما لا يبدو معه أن بلداننا العربية في الأجل القريب ستشهد أمرا تتذكره الاجيال القادمة بالفخر مثل ذلك الذي شهدته ماليزيا..أو حتى "بنين"!!! فهل حكامنا (المتألهون) لا يزحزحهم عن عروشهم إلا كذلك الذي زحزح بالأمس القريب في أبريل/نيسان 2003 كان يملك ونجليه أرض العراق بمن فيه شعبا وثروة.. وهو الاحتلال الكارثي والهمجي الذي لايبقي ولا يذر إلا الخراب و لن يتركوا عروشهم إلا على جثثنا ؟؟فمتى يكون لدينا "مهاتير محمد" او "نيلسون مانديلا" اخلصوا لاوطانهم ومواطنيهم واحبوهم أكثر من حبهم للعروش وملىء الكروش فمتى .. متى ياسيدي مهاتير ؟؟؟

يا أمة ضحكت من جهلها الامم

عندما قرر محمد علي جناح مؤسس ( دولة باكستان ) أن يقيم دولته الاسلامية وكان رفيق للزعيم الهندي الراحل (المهاتما غاندي) قال له هذا الاخير بلهجة يشوبها التوسل ..لماذا تريد اقتطاع جزء من بلدك الهند وانشاء دولة مسلمة ؟ فقال جناح لأننا مسلمون ولا نرضى أن يحكمنا غير مسلم عندها عرض عليه غاندي أن يكون رئيسا للهند ،أي أن يحكم الهندوس رجل مسلم !! لكنه رفض لتبدأ أكبر مسيرة عرفها التاريخ الحديث مسلمون بالملايين يتجهون غربا ، وهندوس بالملايين يتجهون شرقا ، ليقيم جناح دولة باكستان ، وتنشأ جمهورية الهند ثم اصبحت الديمقراطية في شبه القارة الهندية نموذجا لكل ديمقراطيات العالم الثالث ولتحقق رغبة زعيمها غاندي في المقابل نجد ان (جناح) المسلم حين اصبح رئيسا للجمهورية غرقت بلاد المسلمين باكستان في الفوضى والانقلابات وتدخل العسكر كان آخرهم الرئيس برويز مشرف ما يحدث حاليا في اسلام اباد امر مخجل والعالم بأسره ينظر ويرى ويتابع كيف يفشل المسلمون في ادارة شؤونهم بمفردهم ، وبديمقراطية مجردة لاتتضمن غير الاسم فقط لسان حال المستشرقين يقول .. ألم يقتل المسلمون خلفاءهم الراشدين ؟ الم يقتل المسلمون إبن بنت رسول الله ؟ اليس الحق معنا حين نرتاب في وجودهم في بلداننا ؟ هل يمكن للعالم الديمقراطي الحر والمتحضر أن يتعايش مع هؤلاء الناس ؟ إن أول طريق خلاص المسلمين مما هم فيه هو نقد ذاتها نقدا عنيفا من أجل الاصلاح ، والا يتصفوا بصفات الجاهلية الاولى في التعصب الاعمى لذواتهم وهم يخوض بعضهم في دماء بعضفإن حدث ذلك وهذا مستبعد ،، فسوف يعود الاسلام الى عصر إزدهاره ، ويعود المسلمون الى عهد تنورهم والى أن يحدث ذلك يصدق فينا قول المتنبي :

أغاية الدين أن تحفوا شواربكم ....... يا أمة ضحكت من جهلها الامم

معنى الاشتراكية & الراسمالية & الليبرالية & البرجوازية

فى ناس كتير ما تعرفش المصطلحات اللى بنستخدمها الان فى عصرنا الحالى فحبيت اشاركهم واقدم لهم تعريف لهذه المصطلحات لعل وعسى يعرفوا ايه اللى بيدور حوليهم ويفهموا الدنيا مشيه ازاى يالله ياعمنا نبدى بس على فكره دى تعرفات مبسطه

المهم نبدا

- الاشتراكية : هى مفهوم اقتصادى يعتمد على سيطرة الدولة على المقدرات الاقتصادية للبلاد و تكون هناك مركزية شديدة........ و رغم

أن الاشتراكية بمفهومها الحالى ظهرت فى القرن ال19 على يد كارل ماركس كرد فعل طبيعى لجشع أصحاب رأس المال فى الغرب أثناء الثورة الصناعية و تحكمهم فى العمال إلا أنها فكرة قديمة فى التاريخ البشرى و ترجع أولى المحاولات الاشتراكية التى نعلمها فى التاريخ إلى "مزدك" فى الدولة الفارسية حيث كان يدعو إلى شيوع الموارد - أموال , أراضى , نساء ! - بين الناس و قد سادت بسبب تلك الأفكار الشيوعية المتطرفة فترات إضطراب عديدة فى الدولة الفارسية

-الرأسمالية : نسبة إلى رأس المال بمعنى أن صاحب رأس المال هو الذى يتخذ القرار الاستثمارى و على حسب تطرف النظام الرأسمالى يكون تدخل أصحاب رؤوس الأموال الكبيرة فى السياسات الاقتصادية العامة للدولة............ و رغم أن هذا النظام الاقتصادى قديم قدم البشرية و تمثل فى قوافل التجارة بين البلاد و تحكم التجار برؤوس أموالهم إلا أن اول من نظر للرأسمالية كفكر و منهج هو مارتن لوثر فى القرن ال16 حسب ما أذكر أى قبل 200 سنة من نظريات كارل ماركس الاشتراكية

- الليبرالية: هى مفهوم فكرى أوسع من حصره فى الاقتصاد فهى منهج فكرى و سياسى........ و يعزو البعض بداية تبلور هذا المفهوم إلى الثورة الفرنسية غير أن آخرين يعزون هذا الفكر إلى المحاولات المسيحية القديمة فى التخلص من سيطرة الكنيسة....... و الكلمة تعنى التحرر بالفرنسية و يختلف المفهوم الليبراللى باختلاف البيئات غير أن ما يجمع الفكر الليبرالى هو حرصه على التغير الدائم و عدم إيمانه بثوابت معينه أى أن ثوابته تتغير و تتجه دائما إلى المصلحة الآنية للمجتمع كما يحوى هذا الفكر عند البعض الكثير من شعارات الثورة الفرنسية مثل تقديس الحرية و حقوق الانسان.

- البرجوازية...... تعنى الطبقة المتحكمة فى أدوات الانتاج و لكنهاغالبا ما تطلق على الذين يتحكمون بهذه الأدوات و يستخدمونها استخدامات احتكارية بمعنى أن الغنى الذى يملك مصنع و يقوم فى نفس الوقت بدعم النشاط الخيرى و الاجتماعى فى الدولة فلا يمكن أن نطلق عليه برجوازى و أيضا يمكن أن تطلق على الطبقات المتسلقة و النفعية.