أنا مش سلبى: انا حى >>انا ميت>>انا فين؟؟؟؟

٢٥ ديسمبر ٢٠٠٧

انا حى >>انا ميت>>انا فين؟؟؟؟

السلام عليكم

من فترة ليست بقليلة وانا اتصفح احد المنتديات وقفت امام موضوع فى غاية الاهمية

بجد انا شفت الموضوع دماغى اتكهربت!!!!

هو انا ليه صحيح بقيت كده

هى حياتى رخيصة للدرجة دى!!!!!

طيب انا كان ممكن احاول اغير مفهومى للحياة بشكل مختلف

او على الاقل اتمرد على الوضع الحالى واشجع نفسى بالتفاؤل او على اقل الاقل احاول اغير من وضعى ووضع ناس كتير بتعانى من نفس مشكلتى؟؟؟

الموضوع اللى شقلب حياتى كان بيتكلم عن تمنى الموت والرغية فية!!!

بعد ماقراءت الموضوع سئلت نفسى اسئلة كتير

هو انا ليه كانت كل حياتى هى تمنى الموت

هو انا ليه كنت فاكر ان حل مشكلتى او مشاكل ناس كتير متوقف على الموت

هو كان ممكن فعلا الموت هو الحل من كل المشكلات اللى انا فيها

هو انا ليه كنت فاكر ان حل مشكلة معينة متوقف على موت شخص بعينة مرتبط بهذا الموضوع

هو انا ليه نظرتى للحياة بقت نظرة تشاومية

هو انا ليه مخطرش على بالى ان الموت ده مصيبة

هو للدرجة دى انا مش خايف من الموت

هو بعدى عن ربنا هو اللى رسخ فيا الاعتقاد ده

طيب هو انا مستعد ليه ؟؟؟

انا عملت ايه فى دنيتى عشان اكلم ربنا عنة لما يسئلنى

انا عملت ايه عشان الناس تفتكرنى بية

هو لوفعلا الريس مات حالنا هيختلف والوضع هيبقى احسن والبلد حلها هيتغير للافضل

اكيد هيجى ابنه او اى واحد سائر على نهجه طبعا وهيبقى نفس الوضع

طيب اموت بقى والموت يبقى راحة ليا ولناس تانيه !!!!!!!!

طيب انا ليه ماحولتش اتمرد على النظام ولو موت يبقى حققت حلمى ورضيت ربى ونفسى وكمان موت مستريح

هو انا ليه كل اللى اعرفهم شيفين الدنيا سوده

وهل فعلا الدنيا سودة

طيب مافى ناس عشتها زى الفل والا هما منظر وخلاص!!!!!!

طيب فين المشكلة

الجو العام محبط ليه وبيخلينى اتمنى الموت على اساس انه راحه ليا ولغيرى والحياه معقده وكلها هم ومشاكل ونكد

هو انا لية بقت نفسى هينة عليا والموت بقى شى سهل التفكير فيه وكمان مقتنع على انه حل للى انا وغيرى فيه

هو انا ليه من ساعه ماوعيت على الدنيا وبدئت افهم شايف ان الدنيا قتل ودمار وحروب وناس بتموت من الجوع وناس بتموت غرقانه وناس بتسرق وناس بتمص فى دم ناس

طيب انا جى اعمل ايه فى الخراب ده كله

اروح اموت بقى عشان مايحصليش زى الناس دى وعشان كمان انا مبحبش ومش عايز اكون ظالم !!!

ياترى الموت فعلا هيكون راحه ليا

والا انا بهرب للموت عشان مش عارف اواجه السلبية اللى انا عايش فيها

والا الموت شماعه بعلق فيها فشلى فى المواجهة وتحدى الظلم

والا الفاسدين اجبرونى على تمنى الموت والسعى الية لان اللى زيى الموت افضلة وعلى راى الاستاذ عادل ادهم لما اخذ من نور الشريف كليته وقاله اللى زيك اتخلق عشان احنا نعيش

انا فى دوامه بجد

مش عارف اعمل ايه

اوقات بفكر فى الموت

واوقات بفكر فى التغير وجمال الحياه واكيد بكره هيبقى احسن

انا عقلى طار وفكرى اتشتت وحياتى اتقلبت من الموضوع ده

حد عنده حل ليا؟؟؟

هناك ٣ تعليقات:

Wael يقول...: مش عارف اقولك ايه بصراحة .. بس فى الاخر الدنيا دار ممر وليست دار مقر .. العلاقة بينا وبين الدنيا علاقة متوقفة على شعره , المطلوب مننا نعيشها لكن نبقا واثقين انها لن تدوم , نحبها لكن مانسمحلهاش تدخل قلبنا , نعمرها بالرغم اننا عارفين ان مآلها الى خراب , علاقة معقده والتحكم في العلاقة دى والسيطرة عليها هو معنى السعادة . موضوعك كبير محتاج سلسلة كاملة .
وبمناسة ايكونة المدونة للاسف انا دخلت كذا مرة ومشوفتهاش .. ممكن لو تحب ابقا ابعتلى التمبليت - فى ملف تكست مرفق- على الايميل بتاعى وانا افحصه . دمت بخير; ٢٩ ديسمبر ٢٠٠٧ في ٣:١٤ م
تواشيح سياسية يقول...: كلامك صحيح استاذ وائل
بس المشكلة اننا مش عرفين نستثمر وجودنا فى الدنيا دى
يعنى احنا مقضينها والسلام !!!!!!
انا مخنوق فعلا من الموضوع ده
ومش هخوض فيه كلام تانى لانى بتعب نفسيا منه
اما بالنسبه للمشكله اللى كلمة حضرتك عليها بتاعت الايقونه هى فعلا اختفت لوحدها
وشكرا لحضرتك استاذ وائل; ٣٠ ديسمبر ٢٠٠٧ في ٢:٢٨ م
فضفضة يقول...: أزال المؤلف هذا التعليق.; ٩ فبراير ٢٠٠٨ في ٣:٢١ ص

إرسال تعليق

من اقوال الحكماء

-مالكوم إكس :
ثمن الحرية هو الموت.
اذا لم تقف لشيء ستقع لأي شيء.
المستقبل ينتمي الى هؤلاء الذين يعدّون له اليوم.
نريد الحرية ، العدل ، المساواة بأي طريقة كانت.
لقد تعلمت باكراً أن الحق لا يعطى لمن يسكت عنه، وأن على المرء أن يحدث بعض الضجيج حتى يحصل على ما يريد.
-طاغور شاعر وفيلسوف هندي:
شكراً للأشواك علمتـني الكثير
الفشل هو مجموعة التجارب التى تسبق النجاح.
سأل الممكن المستحيل أين تقيم فأجاب : في أحلام العاجز.
-شارلي تشابلن :
الجوع لا ضمير له.
الفشل لا يهم، أنه من الشجاعة أن تجعل من نفسك أضحوكة.
-عمر المختار :
نحن لن نستسلم، ننتصر أو نموت.
من كافأ الناس بالمكر كافأوه بالغدر.
ان الضربات التي لا تقصم ظهرك تقويك.
يمكنهم هزيمتنا اذا نجحوا باختراق معنوياتنا
نحن الثوار سبق أن أقسمنا أن نموت كلنا الواحد بعد الآخر، ولا نسلم أو نلقي السلاح.
-هيلين كيلر :
الحياة اما أن تكون مغامرة جرئيه، أو لا شيء.
أبقي وجهك في اتجاه الشمس ولن ترى الظلال.
من يشعر برغبة لا تقاوم فى الانطلاق، لا يستطيع أبداً أن يرضى بالزحف .
-ونستون تشرشل :
ان الإجابة الوحيدة على الهزيمة هي الانتصار.
سر الحقيقة ليس في ما نحب ، ولكن ان نحب ما نفعل.
ان السياسي الجيد هو ذاك الذي يمتلك القدرة على التنبؤ، والقدرة ذاتها على تبرير لماذا لم تتحقق نبؤته.
-أفلاطون:
قليل من العلم مع العمل به أنفع من كثير من العلم مع قلة العمل به.
العفيف هو صاحب النفس التي انتصرت على رغباتها وغلبت حبها للملذات.
نحن مجانين اذا لم نستطع أن نفكر ومتعصبون اذا لم نرد أن نفكر وعبيد اذا لم نجرؤ أن نفكر.
لا تطلب سرعة العمل بل تجويده لأن الناس لا يسألونك في كم فرغت منه بل ينظرون إلى إتقانه وجودة صنعه