أنا مش سلبى: بحلم بـــ2008

٢٠ ديسمبر ٢٠٠٧

بحلم بـــ2008

السلام عليكم

باقى من الزمن عده ساعات وينتهى عام 2007 ويذهب بفرحه واحزانه همومه واحداثة قتلاه وجرحاه وعذابة وشهوره الطويلة والقصيره وايامه البيض والسود وساعاته اللى بتجرى واللى وقفة ولياليه الحلوة والمرة وذكرة الجميلة والمحزنه كله كله راحالمهم زى قبل كده فى نهاية 2006 قولنا تيجى نحلم بــ

بـ2007 وحلمنا احلام وردية ودنيا فتحلنا ذراعه وعيشه ميه فله وعشرة ,وحسنى هيموت والبلد حلها هيتصلح...

.وحلمنا بحاجات كتيره تانية وكله ده نزل فى المجارى!!!!!!!!!!!!

مش مهم

قولت احلم اانى بسنة 2008 اللى ربنا اعلم بيها

اول حاجه بتمناها ان حسنى يرتاح بقى ويريحنا وبالمرة ياخذ معاه رجالته

نفسى البلد حلها يتصلح

نفسى يلغوا نشاط الحزب الواطى ويسرحوا رجالته اللى نهبوا البلد

نفسى يسمحوا للاخوان المسلمين يبقوا حزب سياسى وأ/ مهدى عاكف يترشح للرئاسة

وبتمنى ان ايمن نور يخرج ويرشح نفسه هو كمان وكمان الاستاذ رفعت السعيد وكل انسان شريف بيخاف على بلده وعايزه يطهرها من الفساد

نفسى الازهر يتحرر من طنطاوى وشيوخه اصحاب الفتاوى الرنانة ويمسكه واحد زى الشيخ يوسف القرضاوى او اى شيخ شريف من جبهة علماء الازهر او حتى يختاروا شيخ بالانتخاب كما كان يعمل به قبل ايام عبد الناصر

بتمنى يحبسوا اى واحد بيحتكر اى شى فى البلد ويمنع منها الغلابة (ويعدموا احمد عز وساويرس وابو العنيين ورشيد ومنصور وامثالهم)بتمنى الاقى شغلانه شريفه من غير وسايط !!!!!!!!!!!

ونفسى رجالة حبيب العدلى يحترمى المواطنين ويبطلوا الضرب على القفى والتعذيب فى السجون ويبقى فعلا الشرطة فى خدمه الشعب

نفسى المجارى تتصلح والمياه تبقى نظيفه والكهرباء ماتقطعش والنت يبقى ببلاش!!!!!!!!!!

نفسى يفهم المسلمين ان الدين مش صلاة وصوم وحج وعبادة بس ويفهموا ان الدين معاملة

نفسى المسلمين يوضحوا للعالم ان الاسلام مش القاعده وبن لادن ولا دين الوهابيين ولا كمان دين عمرو خالد!!!!!

و ان الاسلام دين عزا بيدافع عن المظلمين وبيكفل حرية الراى والتعبير وعقيدة فكر ومحبة دين الواحد ما بيقتلش اخوة عشان مراث ولا يعاق والديةدين اقتصاد قوى قادر على تحديات العالم المنفتح دين بيحافظ على كرامة المراءه ويصون عرضها مش دين نقاش فى ارضاع الكبير والشفايف الحمراء والروج وصبغ الشعر

دين بيخرج فيه الغنى زكاة ماله لاخوانه المحتاجين فى الشيشان والسودان وتشاد والصومال وفلسطين والعراق مش يبنى جامع جنب جامع !!!!!!!!!

نفسى ان كل الشعوب العربية تثور على حكامها الظالمين سواء الملكيين او البعثيين او وطنيين اللى بيدعوا الوطنية !!!!!

نفسى كل العرب يتوحدوا على راى واحد فى صالح وطنهم العربى الواحد

نفسى يتحدوا لاجل فلسطين والعراق ولبنان والصومال

نفسى نبعد عن العنصرية والطائفية وده رافضى شيعى وده وهابى سنى وده ابيض من لبنان وده اسود من الصومال!!!!!!!!!!

اتمنى ان الكورة فى مصر ماتبقاش اهلى وزمالك واسماعيلى ( بس بردك فى الاخر الاهلى هو اللى يكسب)!!!!!!!!!

نفسى ان اعلامنا يكون هادف وموجه والوليد بن طلال يقفل روتانا ويسرح المغنيين بتعها

بتمنى حرمية التليفزيون يبطلعو يسندوا المسلسلات الاجتماعية او الدينية او غيرها لفيفى عبدة والراقصات وسعد الصغير وباقى الشله

نفسى امشى فى الشارع اشوف البنات ربنا هداهم وبطلوا يلبسوا المحذق و الملزق عشان الشباب خلاص ربنا اعلم بيهم (وانا اولهم)

ياترى ممكن يحصل كل ده فى السنة الجديده!!!!!!!!!

تحياتى elshafey

هناك ٤ تعليقات:

Sumaya Rabie يقول...: احلم احلم احلم ... قال مبارك يموت قال ... وقال عيشتنا تبقي فل قال
2008 هتبقي زي 2007 هتبقي زي 2006 زي 2000 زي كل السنين طول ما احنا مابنتحركشي عشان ناخد حقنا بايدينا
مدونتك رائعة تحياتي; ٣٠ ديسمبر ٢٠٠٧ في ٦:٠٢ م
تواشيح سياسية يقول...: بحلم اعمل ايه غير انى احلم
اتحرك ازاى وسط السلبيه دى
ولو فى حد بيتحرك بيبقى بيتحرك عشان مصلحه شخصيه بالنسبه ليه مش عشان غيره وبلده
قتلوا فينا كل حاجه الا الحلم

شكرا على تعليقك somaia; ٣١ ديسمبر ٢٠٠٧ في ١:٤٩ ص
Sumaya Rabie يقول...: تصدق والله ده نفس رأيي اللي ماحدش مقتنع بيه
الناس اللي بتعمل اضرابات واعتصامات واحزاب المعارضة وكل دوول عندي احساس عميق وشبه يقيني انهم بيعملوا عشان مصلحتهم يعني الموظفين المعتصمين معتصمين عشان خلااااااص مش قادرين يستحملوا
بس أرجع وأقول الله أعلم بنوايا الناس وأكيد فيه من بين كل دول حد بيحب البلد ديه ومستعد يتمرمغ في ترابها والله البلد ديه تستاهل وتتحب; ٣١ ديسمبر ٢٠٠٧ في ١١:١٣ ص
تواشيح سياسية يقول...: مش انتى بس
كل اغلبية الناس شيفه كده للاسف ويمكن ده العامل الاساسى فى ترسيخ السلبيه فينا!!!!!!
بس المفروض اننا نعمل اللى علينا والباقى على ربنا

يقول (ص) ما ضاع حق ورائه مطالب; ٣١ ديسمبر ٢٠٠٧ في ١:١٨ م

إرسال تعليق

من اقوال الحكماء

-مالكوم إكس :
ثمن الحرية هو الموت.
اذا لم تقف لشيء ستقع لأي شيء.
المستقبل ينتمي الى هؤلاء الذين يعدّون له اليوم.
نريد الحرية ، العدل ، المساواة بأي طريقة كانت.
لقد تعلمت باكراً أن الحق لا يعطى لمن يسكت عنه، وأن على المرء أن يحدث بعض الضجيج حتى يحصل على ما يريد.
-طاغور شاعر وفيلسوف هندي:
شكراً للأشواك علمتـني الكثير
الفشل هو مجموعة التجارب التى تسبق النجاح.
سأل الممكن المستحيل أين تقيم فأجاب : في أحلام العاجز.
-شارلي تشابلن :
الجوع لا ضمير له.
الفشل لا يهم، أنه من الشجاعة أن تجعل من نفسك أضحوكة.
-عمر المختار :
نحن لن نستسلم، ننتصر أو نموت.
من كافأ الناس بالمكر كافأوه بالغدر.
ان الضربات التي لا تقصم ظهرك تقويك.
يمكنهم هزيمتنا اذا نجحوا باختراق معنوياتنا
نحن الثوار سبق أن أقسمنا أن نموت كلنا الواحد بعد الآخر، ولا نسلم أو نلقي السلاح.
-هيلين كيلر :
الحياة اما أن تكون مغامرة جرئيه، أو لا شيء.
أبقي وجهك في اتجاه الشمس ولن ترى الظلال.
من يشعر برغبة لا تقاوم فى الانطلاق، لا يستطيع أبداً أن يرضى بالزحف .
-ونستون تشرشل :
ان الإجابة الوحيدة على الهزيمة هي الانتصار.
سر الحقيقة ليس في ما نحب ، ولكن ان نحب ما نفعل.
ان السياسي الجيد هو ذاك الذي يمتلك القدرة على التنبؤ، والقدرة ذاتها على تبرير لماذا لم تتحقق نبؤته.
-أفلاطون:
قليل من العلم مع العمل به أنفع من كثير من العلم مع قلة العمل به.
العفيف هو صاحب النفس التي انتصرت على رغباتها وغلبت حبها للملذات.
نحن مجانين اذا لم نستطع أن نفكر ومتعصبون اذا لم نرد أن نفكر وعبيد اذا لم نجرؤ أن نفكر.
لا تطلب سرعة العمل بل تجويده لأن الناس لا يسألونك في كم فرغت منه بل ينظرون إلى إتقانه وجودة صنعه